ਤੁਹਾਨੂੰ ਦੱਸ ਦੇਈਏ ਕਿ RBI ਨੇ Paytm ਪੇਮੈਂਟਸ ਬੈਂਕ ‘ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਨਾਲ Paytm ਵਾਲੇਟ ‘ਤੇ ਕੋਈ ਅਸਰ ਨਹੀਂ ਪਵੇਗਾ। ਹਾਲਾਂਕਿ, ਜੇਕਰ ਤੁਸੀਂ ਅਜੇ ਵੀ Paytm ਵਾਲੇਟ ਦੀ ਵਰਤੋਂ ਕਰਨ ਤੋਂ ਡਰਦੇ ਹੋ ਤਾਂ ਤੁਸੀਂ ਕੁਝ ਰਣਨੀਤੀਆਂ ਅਪਣਾ ਸਕਦੇ ਹੋ। ਇਸ ਦੇ ਜ਼ਰੀਏ ਤੁਸੀਂ ਬਿਨਾਂ ਕਿਸੇ ਤਣਾਅ ਦੇ ਪੇਟੀਐਮ ਵਾਲੇਟ ਦੀ ਆਸਾਨੀ ਨਾਲ ਵਰਤੋਂ ਕਰ ਸਕੋਗੇ।

29 ਫਰਵਰੀ ਤੋਂ ਬਾਅਦ ਵੀ ਕਰ ਸਕਦੇ ਹੋ ਪੇਟੀਐਮ ਵਾਲੇਟ ਦੀ ਵਰਤੋਂ

RBI ਨੇ Paytm ਪੇਮੈਂਟਸ ਬੈਂਕ ਨੂੰ ਬੰਦ ਕਰਨ ਦੀ ਸਮਾਂ ਸੀਮਾ ਤੈਅ ਕੀਤੀ ਹੈ। ਪੇਟੀਐਮ ਪੇਮੈਂਟਸ ਬੈਂਕ 29 ਫਰਵਰੀ ਤੋਂ ਬੰਦ ਹੋ ਜਾਵੇਗਾ। ਇਸ ਤੋਂ ਪਹਿਲਾਂ ਇਹ ਸੁਚਾਰੂ ਢੰਗ ਨਾਲ ਚੱਲੇਗਾ। 29 ਫਰਵਰੀ ਤੋਂ ਬਾਅਦ ਗਾਹਕ ਆਨ-ਬੋਰਡਿੰਗ ਨਹੀਂ ਕਰਵਾ ਸਕਣਗੇ।

ਇਸ ਤੋਂ ਇਲਾਵਾ ਪੇਮੈਂਟ ਬੈਂਕ ‘ਚ ਕੋਈ ਵੀ ਰਕਮ ਜਮ੍ਹਾ ਨਹੀਂ ਕੀਤੀ ਜਾਵੇਗੀ। ਇਸ ਦਾ ਮਤਲਬ ਹੈ ਕਿ 29 ਫਰਵਰੀ 2024 ਤੋਂ ਬਾਅਦ ਪੇਮੈਂਟਸ ਬੈਂਕ ਖਾਤੇ ‘ਚ ਜਮ੍ਹਾ ਰਾਸ਼ੀ ਨਹੀਂ ਆਉਣ ਦਿੱਤੀ ਜਾਵੇਗੀ, ਯਾਨੀ ਕੋਈ ਪੈਸਾ ਨਹੀਂ ਆ ਸਕੇਗਾ।

ਹਾਲਾਂਕਿ, ਇਸ ਨਾਲ Paytm ਵਾਲੇਟ ‘ਤੇ ਕੋਈ ਅਸਰ ਨਹੀਂ ਪਵੇਗਾ। ਤੁਸੀਂ Paytm ਵਾਲੇਟ ਰਾਹੀਂ ਆਸਾਨੀ ਨਾਲ ਲੈਣ-ਦੇਣ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਸੀਂ ਇਸ ‘ਚ ਪੈਸੇ ਵੀ ਲੈ ਸਕਦੇ ਹੋ।