‘ਕੇਜਰੀਵਾਲ ਲਈ ਅਰਦਾਸ ਕਰੋ’, ਸੁਨੀਤਾ ਕੇਜਰੀਵਾਲ ਦੀ ਭਾਵੁਕ ਅਪੀਲ, ਨੰਬਰ ਵੀ ਕੀਤਾ ਜਾਰੀ
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੀ ਪਤਨੀ ਸੁਨੀਤਾ ਕੇਜਰੀਵਾਲ ਨੇ ਸ਼ੁੱਕਰਵਾਰ (29 ਮਾਰਚ) ਨੂੰ ਭਾਵੁਕ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਤੁਹਾਡੇ ਪੁੱਤਰ ਯਾਨੀ ਦਿੱਲੀ ਦੇ ਮੁੱਖ ਮੰਤਰੀ ਨੇ ਤਾਨਾਸ਼ਾਹੀ ਤਾਕਤਾਂ ਨੂੰ ਚੁਣੌਤੀ ਦਿੱਤੀ ਹੈ। ਤੁਸੀਂ ਲੋਕਾਂ ਨੇ ਉਸ ਨੂੰ ਪੁੱਤਰ ਅਤੇ ਭਰਾ ਮੰਨਿਆ ਹੈ।
ਕੇਜਰੀਵਾਲ ਦੀ ਪਤਨੀ ਨੇ ਕਿਹਾ, “ਅੱਜ ਜਦੋਂ ਉਹ ਈਡੀ ਦੀ ਹਿਰਾਸਤ ਵਿੱਚ ਹੈ, ਤਾਂ ਕੀ ਤੁਸੀਂ ਉਸਦਾ ਸਮਰਥਨ ਨਹੀਂ ਕਰੋਗੇ?” ਮੈਨੂੰ ਯਕੀਨ ਹੈ ਕਿ ਤੁਸੀਂ ਸਾਰੇ ਉਸ ਦਾ ਸਾਥ ਦੇਵੋਗੇ। ਅੱਜ ਮੈਂ ਤੁਹਾਨੂੰ ਇੱਕ WhatsApp ਨੰਬਰ ਦੇ ਰਹੀ ਹਾਂ। ਇਹ ਨੰਬਰ 8297324624 ਹੈ।
ਸੁਨੀਤਾ ਕੇਜਰੀਵਾਲ ਨੇ ਕਿਹਾ, “ਅਰਵਿੰਦ ਕੇਜਰੀਵਾਲ ਨੇ ਕੱਲ੍ਹ ਅਦਾਲਤ ਵਿੱਚ ਜੋ ਵੀ ਕਿਹਾ, ਉਸ ਲਈ ਬਹੁਤ ਹਿੰਮਤ ਦੀ ਲੋੜ ਹੈ।” ਉਹ ਸੱਚਾ ਦੇਸ਼ ਭਗਤ ਹੈ। ਇਸ ਤਰ੍ਹਾਂ ਸਾਡੇ ਆਜ਼ਾਦੀ ਘੁਲਾਟੀਏ ਅੰਗਰੇਜ਼ਾਂ ਨਾਲ ਲੜਦੇ ਸਨ। ਮੈਂ ਤੀਹ ਸਾਲਾਂ ਤੋਂ ਉਨ੍ਹਾਂ ਦੇ ਨਾਲ ਹਾਂ, ਉਨ੍ਹਾਂ ਨੇ ਸਭ ਤੋਂ ਭ੍ਰਿਸ਼ਟ ਅਤੇ ਤਾਨਾਸ਼ਾਹੀ ਤਾਕਤਾਂ ਨੂੰ ਚੁਣੌਤੀ ਦਿੱਤੀ ਹੈ। ਕੀ ਤੁਸੀਂ ਇਸ ਲੜਾਈ ਵਿੱਚ ਆਪਣੇ ਭਰਾ, ਆਪਣੇ ਪੁੱਤਰ ਦਾ ਸਾਥ ਨਹੀਂ ਦਿਓਗੇ?
ਕੇਜਰੀਵਾਲ ਨੂੰ ਇਕ-ਇਕ ਸੰਦੇਸ਼ ਦੇਵਾਂਗੀ
ਸੁਨੀਤਾ ਕੇਜਰੀਵਾਲ ਨੇ ਕਿਹਾ, “ਅਸੀਂ 8297324624 ਨੰਬਰ ਰਾਹੀਂ “ਕੇਜਰੀਵਾਲ ਨੂੰ ਆਸ਼ੀਰਵਾਦ” ਮੁਹਿੰਮ ਸ਼ੁਰੂ ਕਰ ਰਹੇ ਹਾਂ। ਤੁਸੀਂ ਆਪਣਾ ਸੁਨੇਹਾ ਇਸ ਨੰਬਰ ‘ਤੇ ਦੇ ਸਕਦੇ ਹੋ। ਕਈ ਲੋਕਾਂ ਨੇ ਅਰਵਿੰਦ ਜੀ ਲਈ ਸੁੱਖਣਾ ਸੁੱਖੀ ਹੈ ਅਤੇ ਵਰਤ ਰੱਖ ਰਹੇ ਹਨ। ਤੁਹਾਡਾ ਹਰ ਸੁਨੇਹਾ ਮੈਂ ਉਨ੍ਹਾਂ ਨੂੰ ਜੇਲ੍ਹ ਵਿੱਚ ਦੇਵਾਂਗੀ। ਕੋਈ ਵੀ ਪਾਰਟੀ ਹੋਵੇ, ਔਰਤਾਂ, ਬੱਚੇ, ਬਜ਼ੁਰਗ, ਹਰ ਕੋਈ ਇਸ ਨੰਬਰ ‘ਤੇ ਸੁਨੇਹਾ ਜ਼ਰੂਰ ਭੇਜਣ।
